អតីតឯកអគ្គរាជទូតខ្មែរប្រចាំអង្គការសហប្រជាជាតិនៅទីក្រុងហ្សឺណែវត្រូវបានតែងតាំងជាអនុរដ្ឋលេខាធិការក្រសួងការបរទេស
ភ្នំពេញ៖ អគ្គរាជទូតកម្ពុជាប្រចាំអង្គការសហប្រជាជាតិ នៅទីក្រុងហ្សឺណែវប្រទេសស្វីសលោក អាន សុខខឿន ត្រូវបានព្រះមហាក្សត្រតែងតាំងជាអនុរដ្ឋលេខាធិការក្រសួងការបរទេស។
នេះបើតាមព្រះរាជក្រឹត្យដែលឡាយបង្ហោះលេខាដោយអង្គព្រះមហាក្សត្រនៅថ្ងៃទី១៣ ខែធ្នូ ឆ្នាំ២០២២នេះ។
ក្រៅពីលោក អាន សុខខឿន ព្រះមហាក្សត្រក៏បានតែងតាំងមនុស្សចំនួន ៦នាក់ទៀតជាអនុរដ្ឋលេខាធិការផងដែរ ខណៈមនុស្សចំនួន៤នាក់ឲ្យទទួលបន្ទុកជាអគ្គនាយកចំនួន ៤អគ្គនាយកដ្ឋាន ដែលមានដូចជា អគ្គនាយកនៃអគ្គនាយកដ្ឋានអឺរ៉ុប អាមេរិក និងអាហ្វ្រិក-មជ្ឈិមបូព៌ ប្រធានវិទ្យាស្ថានជាតិការទូត និងទំនាក់ទំនងអន្តរជាតិ អគ្គនាយកនៃអគ្គនាយកដ្ឋានអាស៊ាន និងអគ្គនាយក នៃក្រុមស្រាវជ្រាវ វិភាគ និងព្យាករណ៍៕
